ડર છે

વસી જવું છે આપની,
સાગર જેવી આંખોમાં પણ,
ડૂબી જવાનો ડર છે.

પામવું છે સ્થાન આપના,
ખુબસૂરત દિલમાં પણ,
બેવફાઇનો ડર છે.

– Unknown poet –

ઝાકળ

ખરેખર તમે જેને,
ઝાકળ કહો છો,
તે તો,
આખી રાત,
ઘાસ પર બેસીને,
રડેલી ચાંદનીના આંસુ છે

–  unknown poet –

વકી

“સૌ પોત પોતાની પ્રેમીકાને વ્હાલથી ભરે બકી,
તો જ આ વાતાવરણમાં છે વરસાદ થવાની વકી.”

–  unknown poet  –

શ્વાસ

જેના માટે,
મે છોડ્યા શ્વાસ,
એજ આવી પૂછે છે.,
કોની છે આ લાશ !!

– unknown poet –

મંજુર નથી

હું મારા હાથને ફેલાવું તો તારી ખુદાઇ દૂર નથી,
પણ હું માગું ને તું આપી દે, એ વાત મને મંજુર નથી

–  Unknown poet   –

આંસુ

કહે છે આંખોના આંસુ
અમે આંખોમા નહી માસુ

રોકશો તમે ખાસુ
અમે રોકે ન રોકાશું

હાસ્ય એ છુટા થાસું
તો દુ:ખે વળી પાછા આવશું

ભાવે ભીના થાશું
તો સુકાયે ના સુકાશું

યાદે કોઇની જાશું
તો યાદ કરીશું ખાસુ

યાદે જો દુ:ખી થાશું
તો બમણા થઇ જાશું

લાંબી ભેટે ભેગા થાશું
તો હસતા હોઠે ભળી જાશું

ને ખીલસે ઘડીક આસું
તો ક્યાંય ખોવાઇ જાસું

– કવિનું નામ હુ જાણતો નથી –

સુવિખ્યાત રચના ૨

તરત પછી તો સરસ મજાની સુગંધ આવી,
જરા અમસ્તું કહ્યુ પવનને સ્માઇલ પ્લીઝ.

——————————-

બારી ખોલી જોયું તો,
સળગતી બત્તીના થાંભલે,
ટૂંટીયું વાળીને,
તાપણું કરતી,
રાત બેઠી હતી.

——————-

વ્યંજનો, બારાક્ષરી ને સ્વર બધાં ભુલી ગયો,
પત્ર લખવાની ક્ષણે અક્ષર બધાં ભુલી ગયો.

———————————

ટહુકા રૂપે જ એની રજૂઆત થઇ શકે,
વ્હેતી નદી વિષે બીજી શું વાત થઇ શકે.

————————–

બરફ પીગળી શકે છે,
એને ક્યાં અહં નડે છે.

——————-

— કવિઓના નામ હું જાણતો નથી  —–