આમંત્રણ છે

તિથી, તારીખ

ને શક સંવંતને

આમંત્રણ છે.


ફુલ, ફોરમ

ને સખા વસંતને

આમંત્રણ છે.


સૂર સંગમ

ને ગીત સંગીતને

આમંત્રણ છે.


કલા, સૌંદર્ય

ને સ્નેહ સતતને

આમંત્રણ છે.


રવિ, કિરણ

ને રૂડા પ્રભાતને

આમંત્રણ છે.


શશિ, રજની

ને શીત સંગતને

આમંત્રણ છે.


વર્ષા, મયુર

ને મેઘ રંગતને

આમંત્રણ છે.


નદી, ઝરણું

ને ઘેલા પર્વતને

આમંત્રણ છે.


પ્રેમ, વિરહ

ને છાની રમતને

આમંત્રણ છે.


આંસુ, લાગણી

ને વેણ સખતને

આમંત્રણ છે.


દુખ, દરદ

ને સુખ વખતને

આમંત્રણ છે.


યુધ્ધ, વિજય

ને સત અસતને

આમંત્રણ છે.


લય, પ્રલય

ને શાંત નિરાંતને

આમંત્રણ છે.


ક્ષર, સાક્ષર

ને જ્ઞાત અજ્ઞાતને

આમંત્રણ છે.


છંદ, ગઝલ

ને સહુ અંગતને

આમંત્રણ છે.


વ્યોમ, સકળ

ને બ્લોગ જગતને

આમંત્રણ છે.


– – – મયુર ’અભણ’ – – –

42 thoughts on “આમંત્રણ છે

  1. એક નવો પ્રયોગ-જો ૧૬ ભાગ સ્વતંત્ર હાઇકુ પણ બન્યા હોત તો ગુજરાતી ભાષામાં લેન્ડમાર્ક થઈ જાત.
    આવો મારી વેબ પર@http://himanshupatel555.wordpress.com
    thank you.

  2. કુમાર મયુર તમે હાયકુ માસ્ટર છો..આ થોડા આમંત્રણ હું જોડુ છું..જરા મનમાં આવ્યુ લખી નાંખ્યુ તમારા જેટલા સરસ હાયકુ મારા નથી થતા..બે વાક્યમા સમજાવતા ન આવડેને…
    સપના

    સખા તમને
    પધારવા દિલમાં
    આમંત્રણ છે

    રાત દિવસ
    વિરહમાં બળવા
    આમંત્રણ છે

    બારણે ટેકો,
    રસ્તો તાંકવાને
    આમંત્રણ છે

    દર્દ હોયતો
    આંખોમા વર્ષા બનવા
    આમંત્રણ છે.

    તોડિને દિલને,
    વીણવા ટૂકડાઓ
    આમંત્રણ છે

    રાત પડેને,
    સપના બની આવ
    આમંત્રણ છે

    સપના

  3. તમારા હાઇકુમાં આમંત્રણ માટે કોઇને પણ છોડ્યા નથી,ઘણો જ સુંદર પ્રયોગ,સપનાએ જે ઉમેર્યુ છે તે પણ કાબીલે તારીફ છે, ખરુ ને ?

    પ્રેમ, વિરહ
    ને છાની રમતને
    આમંત્રણ છે. વાહ… બધા જ હાઇકાના વિષયને બહુ ખુબી પૂર્વક જાળવી રાખ્યા છે.

  4. ખુબ જ સુંદર…કાશ તમે જેમને આમંત્રો છો તે બધાજ મારા પણ દિલમા આવીને વસે ! સુંદર રચનાઓ…મજા પડી ગઈ.
    એક આમંત્રણ હું પણ આપું ?

    મારા દિલના દરબારમાં એક વાર પધારજે તું નાથ ! અહી તારા રાજ દરબાર જેવો વૈભવ નથી. ને વળી ઐશ્વર્ય પણ નથી તેવું. અહી લાગણીની ભીનાશ છે. ને ઊર્મી નો ઉજાસ છે. તારા પ્રગાઢ સાનિધ્ય થી જન્મેલા નિઃશ્વાસની ઉષ્મા છે. તથા તારી પ્રત્યેના પ્રેમના ખીલવાનો પમરાટ છે. દેવતાઓની ભીડથી દૂર આત્માની હૂફમાં મારા ઋદયના સિંહાસન પર બિરાજી તો જો ! મારું રોમ રોમ પુલકિત થઈને તારી જ માટે નર્તન કરશે. શ્વાસોની સીતારી બજાવતુ ઋદય ધક ધક કરતુ મ્રુદંગ વગાડશે. ને આંખો અશ્રુ થકી તારી જ આરતી ઉતારશે ! સ્વર્ગના સુખ સામે મારા પ્રેમની સાદગીથી તને સ્વર્ગેય ભુલાવી દઈશ હો પ્રિયતમ ! તું એકવાર આવી તો જો !

  5. ક્ષર, સાક્ષર
    ને જ્ઞાત અજ્ઞાતને
    આમંત્રણ છે……
    excellent,enjoyed

    ‘ત્રિપથગા ‘કાવ્ય સંગ્રહનું લોકાર્પણ
    રમેશ પટેલ(આકાશદીપ)

    Pl find time to visit and comment
    સ્વરચિત અને ગમતીલી ગદ્ય અને પદ્ય રચનાઓ
    http://nabhakashdeep.wordpress.com/ Invited and a request to visit
    with regards
    Ramesh Patel(Aakashdeep)

  6. વસંત અને પાનખર માં બહારો ને આમંત્રણ છેં.
    સુના આ હૈયા માં સાચા પ્રેમ ને આમંત્રણ છે.
    નિહાળુ દિવસે તને ને કલ્પુ રાત માં પણ મારા સપનાઓમાં તને આમંત્રણ છે.
    જીંદગી વિતાવવી છે તારા સાથ માં ને તુ જો ન મળે તો રોજ આવ યાદો માં તને આમંત્રણ છે.
    …ૐ”મુન”ૐ…

  7. માનનીય શ્રી,

    ગુજરાતીલેક્સિકોનના સ્થાપક શ્રી રતિકાકાની સ્મરણાંજલિ સભા અમદાવાદ ખાતે 21 ઑક્ટોબર 2013ના રોજ સાંજે પાંચ વાગ્યે ગુજરાત વિશ્વકોશ ભવનમાં રાખવામાં આવેલ છે.

    સરનામું : ગુજરાત વિશ્વકોશ ભવન, રમેશપાર્ક સોસાયટી, વિશ્વકોશ માર્ગ,
    ઉસ્માનપુરા, અમદાવાદ – 380 013. ફોન : 079 – 2755 1703

    ઉપસ્થિત રહેવા આપને હૃદય પૂર્વકનું આમંત્રણ.

    આભાર,
    ગુજરાતીલેક્સિકોન ટીમ.

  8. આદરણીય શ્રી,
    જય ગિરા ગુર્જરી, સહર્ષ જણાવાનું કે ૧૩ જાન્યુઆરીનો દિવસ ગુજરાતી લેક્સિકનના ઇતિહાસમાં સુવર્ણ અક્ષરે લખાયેલો છે, કારણકે વર્ષ ૨૦૦૬માં આ જ દિવસે ગુજરાતી લેક્સિકનનું લોકાપર્ણ કરવામાં આવ્યુ હતું.
    ગુજરાતી ભાષા પ્રત્યે આપેલા પોતાના યોગદાનને ‘પાશેરામાં પહેલી પૂણી’ માનનાર ગુજરાતી લેક્સિકનના સ્થાપક, જાણીતા ઉદ્યોગપતિ અને શ્રેષ્ઠ શ્રી રતિલાલ ચંદરયાને શ્રદ્ધાસુમન અર્પણ કરવાના સાથોસાથ આ પ્રસંગે ‘રતિલાલ ચંદરયા સ્મૃતિ પારિતોષિક’ પ્રતિભાશોધ સ્પર્ધાના પારિતોષિકનું વિતરણ કરવામાં આવશે.
    વિગતો :
    તારીખ : ૧૩ જાન્યુઆરી ૨૦૧૫, મંગળવાર
    સમય : સાંજે ૫.૩૦ થી ૭.૦૦
    સ્થળ : ગુજરાત વિશ્ચકોશ ટ્રસ્ટ, ઉસ્માનપુરા, અમદાવાદ.
    આ પ્રસંગે આપને ઉપસ્થિત રહેવા અમારું હૃદયપૂર્વકનું આમંત્રણ છે

    નોંધ: કાર્યક્રમમાં પ્રવેશ માટે અગાઉથી નોંધણી કરાવવી ફરજિયાત છે જેથી આપના નામની નોંધણી આજે જ info@gujaratilexicon.com પર કરાવવા વિનંતી.

Thanksm, For Join

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s